Furia a.c. - Levao pa´ casa

Se o domingo pasado xa resaltamos que o arbitro non se enteraba moito da boia, pois esta xornada tocounos aturar a un auténtico mamón que veu facer o ridículo en vez de arbitrar un partido de fútbol. Xa antes de saltar ao terreo de xogo entre os propios xogadores estuvemos falando da chulería que tiña este tan só pola maneira da que chamou os equipos para vestiarios e coa revisión de fichas. Xa se oían comentarios de que ía armala. E así foi.
Sobre o min. 15 ao aplicar unha lei da vantaxa tras unha patada na cara a un dos nosos, perder o balón e ter que os adversarios tirala fora, que me diga onde hai aquí vantaxa algunha para aplicar esta lei, pois armouse. Todos inmediatamente fomos protestarlle e o colexiado ainda por riba encarouse cara o banquillo e claro o noso adestrador quente "coma unha cosiña de ferro" pasouse un pouco, pero bueno para eso están as cartulinas, que o expulse e fora, pero non. Sorprendentemente para propios e estranos decidiu parar o partido e agocharse no vestiario ata que viñese a Benemérita e de camiño aínda lle dou tempo a expulsar a un dos nosos, M. Pontellón. Máis de media hora estivo encerrado mentres tanto nós como o equipo rival, o Lavacolla, estábamos perplexos pola situación.
Reanudouse o partido, o Furia aguantou o que puido e incluso tivo ocasións para poñerse por diante, pero case todo o partido con 10 e logo con 9 por unha nova expulsión, antoxábase misión imposible. Acabaron meténdonos 3.
O colexiado acabou poñéndolle unha denuncia ao noso adestrador. Falando logo, cos do outro equipo e tal, seica xa é coñecido por andar en rollos de denuncias polo tema do fútbol, bueno un mamón. E inda por riba ao marchar o arbitro xa no seu coche ensinoulle unha placa de policía ao noso entrenador e díxolle que xa o engancharía por aí, vaía personaxe.
O once inicial do Furia a.c. foi: Peixe, Miki, Nevero, Nena, Juán, X.Cotón, M. Pontellón, The Night, Álvaro, Lula e Tito. No banco: Flores, Ramón, A. Martinez, Martín e Jo.
Tras esta xornada atopámonos xusto na metade da táboa, de 9º con 18 puntos, 23 goles a favor e 28 en contra. A próxima xornada de liga visitaremos o campo do Abanqueiro que ocupa a 7º posición a tan só 1 punto de diferenza nosa.
Pero non nos podemos olvidar que este xoves debutaremos na Copa do Sar no noso campo fronte ao Lestedo, esperemos colleitar un bo resultado e que haxa unha boa entrada no Municipal de Campaña.

En canto ao xa famoso cumpreanos de "Mac" e de " O Pistolas" decir que houbo un gran ambiente e que para nada afectou ao resultado do partido, pese ao que diga algunha das seccións máis intransixentes da afección verdiblanca.

Esto foi todo. Sempre Furia!!